कल्ला विनोद

-------------------------------------------------------------

गंपू : प्रिये, तू माझ्या हृदयात, श्वासात, स्वप्नात राहतेस.... 

गर्लफ्रेण्ड : नाही रे... मी अंधेरीत राहते! 
-------------------------------------------------------------


गंपू : तू माझ्याकडून १०० रुपये उधार घेतले होतेस... ते कधी परत देणार? 

झंपू : अरे, मी तर ८० रुपयेच घेतलेले. 

गंपू : हो काय? मग थांब २० रुपये पाठवून देतो आणखी! 
-------------------------------------------------------------


शिक्षक : शहामृगाची मान लांब का असते? 

विद्याथीर् : कारण त्याचं डोकं आणि शरीर याच्यामध्ये खूप अंतर असतं. त्यामुळे त्यांना जोडण्यासाठी त्याची मान पण लांब असते. 
-------------------------------------------------------------


परीक्षेचा पेपर संपल्यावर बंड्या आणि खंड्या भांडू लागले.

सर : काय रे, तुम्ही असे भांडताय का?

बंड्या : बघा ना सर...याने एकही उत्तर लिहिलेलं नाही. अख्खी उत्तरपत्रिका तशीच रिकामी ठेवली असं तो सांगतोय.

गुरुजी : अरे मग, तुला काय फरक पडतोय त्याने?

बंड्या : मग आता मी त्याची कॉपी केलीय असंच तुम्हाला वाटणार ना.
-------------------------------------------------------------


गंपूला एक हजार रुपयांची एक नोट मिळते. त्याच्यावर लिहिलेलं असतं- हॅप्पी न्यू इयर!

गंपू खिशातली दुसरी नोट काढून तिथे ठेवतो. त्याच्यावर लिहितो- सेम टु यू!
-------------------------------------------------------------


पुणेरी वडील : तुला यंदा ९५ टक्के मिळाले पाहिजेत.

मुलगा : ९५ काय, १०५ टक्के मिळवून दाखवतो.

वडील : मस्करी करतोस काय?

मुलगा : सुरुवात तुम्ही केलीत!!
-------------------------------------------------------------


एका मुलाचं नाव मनमोहन असतं. तो आईकडे जातो आणि म्हणतो, 'आई, मला माझं नाव बदलायचं आहे...'

आई विचारते, 'का रे?'

मुलगा उत्तरतो, 'शाळेत सगळी मुलं मला 'अण्णा आले, अण्णा आले' म्हणून चिडवतात!!'
-------------------------------------------------------------


पत्नी : (रागाने) मी आपल्या ड्रायव्हरला नोकरीवरुन काढून टाकणार आहे. आज तिस-यांदा मी मरता-मरता वाचलेय.

पती : अं...मला वाटतं आपण त्याला आणखी एक चान्स द्यायला हवा.
-------------------------------------------------------------