हा चंद्र भारलेला संमोहनात मीही
का सांग चांदण्यांना तू माळलेस देही?
आली कुठे तुफाने ना प्रलय वादळांचा
जगतोस तू तिथे अन जगते सुखात मीही
मजलाच शोधताना धुंडाळते किती मी?
मिळतो तुझा विसावा असते दिशात दाही
कळले किती उशिरा होता करारनामा
लिहिल्यास तू जरी ना मी मानल्या अटीही!
शेतात राबताना होतो रियाज जेंव्हा
फुलती मळ्यात कणसे..घामातली कला ही
केले मना तुला...ना येणार मैफलीला
का साज रंग ल्याले मर्जीतला तरीही?
आहेत सांडलेले वाटेत थेट काटे
जाणीव का तुला ही? जाणीव का मलाही!!
- योगिता पाटील
का सांग चांदण्यांना तू माळलेस देही?
आली कुठे तुफाने ना प्रलय वादळांचा
जगतोस तू तिथे अन जगते सुखात मीही
मजलाच शोधताना धुंडाळते किती मी?
मिळतो तुझा विसावा असते दिशात दाही
कळले किती उशिरा होता करारनामा
लिहिल्यास तू जरी ना मी मानल्या अटीही!
शेतात राबताना होतो रियाज जेंव्हा
फुलती मळ्यात कणसे..घामातली कला ही
केले मना तुला...ना येणार मैफलीला
का साज रंग ल्याले मर्जीतला तरीही?
आहेत सांडलेले वाटेत थेट काटे
जाणीव का तुला ही? जाणीव का मलाही!!
- योगिता पाटील
No comments:
Post a Comment