माझी ही ...
माझी ही ...
शब्दान कमी अन डोळ्यान जास्त बोलते
"आधी काय होतं का " म्हणून गमतीन छळते
माझी ही
नेहमी खळखळून हसत असते
मायेन जवळ घेतल्यावर डोळ्यात पाणी आणते
माझी ही
दिवसभर घरात लगबग करत असते
"दमले आज" म्हणून खांद्यावर डोकं ठेवते
माझी ही
कधी कधी माझ्याशी तिरकस बोलते
"मगाशी माझं चुकलच" असं जवळ येऊन सांगते
माझी ही
संध्याकाळी बाहेर घेऊन जायचा हट्ट करते
नाही नेलं की गाल फुगून बसते
माझी ही
कधी मी खचलोकी पाठीशी उभी असते
मी आहे म्हणून मला आधार देत असते
माझी ही
जवळ असल्यावर सगळं आहे असं वाटते
दूर गेल्यावर काहीच नसल्यासारखे वाटते
दूर गेल्यावर काहीच नसल्यासारखे वाटते ........
No comments:
Post a Comment